تعويم الجنيه..وفيروس كرونا

قبل التعويم البلد كلها اشتغلت في الدولار حرفيا دكاتره ومهندسين ومحاسبين وعمال وفلاحين وعواطليه وسرسجيه ومشايخ وجروبات ماميز  مفيش ممثل لطائفه في مصر إلا أشتغل في الدولار وبقي ببخزن وعمال يدعي ومستني الدولار يرفع علشان يكسب وطبعا كان لزوم ده تفضل تضرب في كلام من عينه الدولار هيبقى ب٣٠٠ جنيه كمان شهور وتطلع تقارير ان الاقتصاد خلاص انهار علشان المكسب من تخزين الدولار يذيد أو يقل على حسب انت بايع ولا شاري

وده كان أحقر تصرف ممكن يعمله شعب في أقتصادها انه يتحول لشعب مضارب على العمله بتاعته...تعويم الدولا

نفس المشهد بيتكرر في كرونا دلوقتي دكاتره وصيادله ومهندسين وعمال وفلاحين خزنوا ملايين الكمامات وجروبات الدكاتره وجروبات الماميز اتحولت لبورصه لاكمامات والكمامه اللي كانت ب١٠ جنيه بقيت ب٢٠٠ جنيه وطبعا في ملايين الملايين من الجنيهات اتخزنت في الكمامات دي وبقي بيزنيس.. لو كورونا ماظهرش في مصر هيلبسها حرفيا اللي اشتري الكمام ب٥٠ جنيه وهي سعرها ٦ جنيه علشان كان عنده امل يبيعها ب٥٠٠ جنيه

طبيعي هتلاقي اشاعات وتصنيع لحالات فزع لان البيزنيس هينضرب. ودي تاني أحقر حاله تجاره بالكوارث بعد حاله المضاربه بالعمله بتاعتك 

الفيرس متطور وسبب اساسي في خطورته ان محدش عارف يمسك خريطته الجينيه ولا حد عارف قواعد تطوره وظهوره وبالتالي وارد جدا نكون دلوقتي احنا ونتكلم في البوست ده حالا يظهر تطور جديد للفيرس يعني اي بيانات رسميه هي بيانات لحظيه ممكن تتغير في لحظه مع تغير وضعيه وتطور الفيروس.. أنت معندكش أي حل قدامك الا الوقايه الشخصيه وفي نفس الوقت مفيش مصدر رسمي قدامك مضطر ترجع ليه بعد جروبات الماميز الا وزاره الصحه اللي ملزمه انها تعلن بشفافيه لانك اصلا مش هتكون اول دوله تعلن ولا اخر دوله تعلن